Soňky ýyllarda Ýer ýüzüniň köp ýerinde aşa yssy howa hasaba alynýar. Ýewropa Bileleşiginiň Kopernik adyndaky klimatyň üýtgemegi baradaky gullugy 21-nji iýulyň bütin dünýäde häzire çenli hasaba alnan iň yssy gün bolandygyny belledi. Şol gün howanyň temperaturasy dünýäde ortaça 17,09 dereje bolupdyr. Şeýle hem ABŞ, Ýewropa we Russiýa yssy howa akymynyň täsirine giripdir. Geçen ýylyň 3-6-njy iýuly aralygynda hem şol döwre çenli hasaba alnan iň yssy günler bolandygy bellenildi. Alymlar bu ýylky aşa yssy howanyň «El Nino » howa akymy bilen baglanyşyklydygyny belleýärler.