Türkmen halkynyň Milli Lideri Gahryman Arkadagymyzyň tagallasy bilen, Arkadag şäherinde «Arkadag Medisina Klasteri Menejment» kärhanasynyň döredilmegi saglygy goraýyş ulgamynyň işiniň döwrebap derejede ýola goýulmagyna giň mümkinçilikleri döretdi. Ýakynda Milli Liderimiziň başlangyjy bilen döredilen bu kärhananyň saglygy goraýyş ulgamynda gündelik ulanylýan bir gezeklik lukmançylyk serişdeleriniň, agyz-burun örtükleriniň we beýlekileriň ilkinji tapgyry welaýat köpugurly hassahanasyna gelip gowuşdy.