Olimpiýa halkalary berkidildi. Parižde geçiriljek tomusky Olimpiýa oýunlarynyň halkalary Eýfel diňiniň günorta tarapyna berkidildi. Bu halkalar Oýunlara 50 gün galanda oturdyldy. Polatdan ýasalan nyşanyň ini 29 metr, beýikligi 13 metr. Olimpiýa oýunlary 26-njy iýuldan 11-nji awgust aralygynda geçiriler.
Rekordlar kitabyna girizildi. ABŞ-nyň Kaliforniýa ştatynyň Santa-Fe-Springs şäherinde guralan «ShowFX» sergisinde Arnold Şwarseneggeriň äpet heýkeli goýuldy. Beýikligi 6,75 metre ýetýän heýkel aktýoryň iň uly heýkeli hökmünde Ginnesiň rekordlar kitabyna girizildi.