Hindistanda geçirilen parlament saýlawlarynda Premýer-ministr Narendra Modiniň bileleşigi ýeňiş gazandy. Modiniň «Hindi halk partiýasy» (Bharatiýa Janata Parti) tarapyndan ýolbaşçylyk edilýän Milli demokratik bileleşigi ýurtda geçirilen ählumumy saýlawlaryň netijelerinden soň parlamentiň aşaky palatasyndaky orunlaryň ýarysyndan gowragyny aldy.
Merkezi saýlaw toparynyň maglumatlaryna görä, Narendra Modiniň bileleşigi parlamentiň 543 orunlyk aşaky palatasynda, 292 orna eýe boldy. «Hindi halk partiýasy» 2019-njy ýylda geçirilen saýlawlarda 303 orun eýeläpdi.