29-njy maýda Günorta Afrika Respublikasynda geçirilen parlament saýlawlarynda dolandyryjy «Afrikanyň milli kongresi» partiýasy, saýlawçylaryň 40 göterimden gowrak sesine eýe boldy. Bu barada ýurduň garaşsyz saýlaw topary habar berdi. Ses berişligiň netijelerine görä, «Afrika milli kongresi» partiýasy 6 million 344 müň 57 ses bilen öňdeligi eýeledi. 2019-njy ýyldaky saýlawlarda «Afrikanyň milli kongresi» partiýasy 57,5 göterim sese eýe bolupdy. Bu syýasy çärede liberal demokratik bileleşigi 21,7 göterim sese, öňki prezident Jeýkob Zumanyň çepçi populistik partiýasy 14,8 göterim sese eýe boldy.
Şeýle hem 1994-nji ýyldan bäri ýurdy dolandyrýan «Afrikanyň milli kongresi» partiýasynyň ilkinji gezek sesleriň 50 göterimden gowragyny alyp bilmändigi we häkimiýetde galmak üçin bileleşik döretmäge mejbur boljakdygy habar berildi. Eýýäm, «Demokratik bileleşik», dolandyryjy partiýa bilen koalisiýa döretmäge taýýardygyny mälim etdi.