«Pähim-paýhas ummany Magtymguly Pyragy» ýylynyň şanly dabaralara we taryhy pursatlara beslenýän günleri her birimiziň bagtyýar geljege bolan ynamymyzy has-da artdyrýar. Hormatly Prezidentimiziň Daşoguz welaýatyna iş saparyny amala aşyryp, Balkan – Daşoguz elektrik geçirijisiniň hem-de her biriniň güýjenmesi 500 kilowolt bolan beketleri ulanmaga bermegi, şonuň ýaly-da welaýatyň ilatyna ýokary hilli hyzmat etjek awtobuslary sowgat bermegi halkymyzyň toý şatlygyny arşa galdyrdy.