5-8-nji iýun aralynda Belarus Respublikasynyň Minsk şäherinde geçirilýän foruma telekommunikasiýa pudagyna degişli GDA agza döwletleriň we birnäçe halkara guramalaryň ýolbaşçylary, wekilleri we bu ugurda ýöriteleşen bilermenler gatnaşýar.
Giň gerimli forum pikir alyşmakda we hyzmatdaşlygy pugtalandyrmakda netijeli işewürlik meýdançasyna öwrüldi. Foruma gatnaşyjylar tejribe alyşyp, sanly ykdysadyýeti ösdürmekde, tehnikanyň, enjamlaryň täze we has kämilleşdirilen görnüşlerini ähli pudaklara ornaşdyrmakda giň möçberli işleriň esasy ugurlaryny ara alyp maslahatlaşdylar.