Geçen hepdäniň şenbe gününde paýtagtymyzdaky Olimpiýa şäherçesiniň Tennis toplumynda geçirilen ajaýyp sport baýramçylygy 50 töweregi ýaş tennisçini bir ýere jemläp, Çagalary goramagyň halkara güni mynasybetli guralan dabaralara aýratyn öwüşgin berdi. Çagalaryň halkara tennis festiwalynyň çäklerinde, bu sport toplumynyň Aziýanyň Tennis federasiýasy tarapyndan «Tennis boýunça Aziýa sebitiniň okuw-türgenleşik merkezi» diýlip yglan edilmegi mynasybetli güwänamanyň gowşurylmagy-da buýsançly pursatlara beslendi. Biz hem sport baýramçylygyna gatnaşan ýokary derejeli wekilleriň käbiriniň tennis festiwalynyň geçirilmeginiň, ýurdumyzyň sport diplomatiýasyndaky täze üstünliginiň ähmiýeti hakdaky pikir-garaýyşlaryny ýazga geçirdik.

SeýedAmir BORGHEI,
Halkara Tennis federasiýasynyň (ITF) Aziýa sebiti boýunça jogapkär wekili: