Türkmenistan hemişelik Bitaraplyk hukuk derejesinden ugur alyp, GDA-nyň assosirlenen agzasy bolmak bilen, Arkalaşygyň çäklerindäki däp bolan hyzmatdaşlygyň ösdürilmegine, döwletlerimiziň halklaryny baglanyşdyrýan taryhyň dowamynda kemala gelen dostluk we hoşniýetli goňşuçylyk gatnaşyklarynyň pugtalandyrylmagyna hemmetaraplaýyn gyzyklanma bildirýär. Muny ýurdumyzda guramanyň ugry boýunça yzygiderli guralýan çäreler, olarda kabul edilýän oňyn çözgütler hem doly tassyklaýar. Şu gün — 24-nji maýda-da paýtagtymyzda GDA-nyň Hökümet Baştutanlarynyň Geňeşiniň nobatdaky mejlisi geçiriler. Biz bu çäräniň öň ýanynda Garaşsyz Döwletleriň Arkalaşygynyň Baş sekretary Sergeý LEBEDEW bilen söhbetdeş bolduk.
— Sergeý Nikolaýewiç, Siziň bilen möhüm çäräniň öňüsyrasynda söhbetdeş bolýarys. GDA-nyň Hökümet Baştutanlarynyň Geňeşiniň nobatdaky mejlisiniň gün tertibiniň taslamasynda nähili meseleler bar?
