Arkadagly Gahryman Serdarymyzyň yhlasly tagallalary, parasatly çözgütleri bilen üpjün edilýän şertler «Pähim-paýhas ummany Magtymguly Pyragy» ýylynda ýurdumyzyň ähli pudaklarynda sazlaşykly ösüşi döretmek bilen birlikde, zähmet üstünliklerini täze sepgitlere ýetirýär.

Hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen ylmy-tejribä esaslanýan taglymatyny dabaralandyrýan wakalaryň hatarynda halkara derejeli çäreler bilen birlikde, gurluşygyna badalga berilýän, açylyp ulanylmaga tabşyrylýan desgalaryň diňe ýaşaýyş-durmuş we önümçilik maksatly bolmagy ýurdumyzyň hemişelik Bitaraplyk ýörelgelerine esaslanýan parahatçylykly ösüşimiziň nurana keşbiniň ýalkymyny dünýä saçýar.