«7/24. tm» №18 (205), 29.04.2024
Soňky ýyllarda ýurdumyzda alnyp barylýan döwlet syýasatynda Türkmenistanyň nebitgaz pudagyna daşary ýurt maýa goýumlaryny çekmäge möhüm ähmiýet berilýär. Şu ugurda ýurdumyzyň ykdysady kuwwatyny, senagat, maýa goýum mümkinçiliklerini, olardan netijeli peýdalanmak babatda alnyp barylýan işleriň gerimini giňişleýin açyp görkezmekde, hyzmatdaşlara ygtybarly maglumatlary bermekde, ykdysady we önümçilik taslamalaryna daşary ýurt maýadarlaryny çekmekde ýurdumyzyň çäginde we daşary ýurtlarda guralýan maýa goýum forumlaryna, giň wekilçilikli işewürlik maslahatlaryna aýratyn orun degişlidir. Şeýle iri halkara forumlaryň biri-de 24-25-nji aprelde Fransiýa Respublikasynyň Pariž şäherinde geçirildi.