Şu günler ýurdumyzyň Mary welaýatynda gowaça ekişi bilen utgaşykly irki ekilen meýdanlarda ýekeleme işleri gyzgalaňly dowam edýär. «Pähim-paýhas ummany Magtymguly Pyragy» ýylynda sebitiň babadaýhanlary 162 müň gektar meýdandan «ak altynyň» 359 müň tonnasyny ýygnap, döwlete tabşyrmagy maksat edinýärler.

Mary welaýat häkimliginde ekişe dahylly hünärmenleriň, oba hojalyk işgärleriniň gatnaşmagynda yzygiderli geňeş maslahatlary geçirilýär. Olarda öňde durýan wezipeler ara alnyp maslahatlaşylyp, tejribe alşylýar.