Hoşallyk maslahaty geçirildi

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň saýasynda Garaşsyz, baky Bitarap döwletimizde belent sepgitlere ýetilýär. Ýurdumyzy durmuş-ykdysady taýdan mundan beýläk-de ösdürmekde ýokary netijeler gazanylýar. Arkadagly Gahryman Serdarymyzyň welaýatymyza iş sapary “Pähim-paýhas ummany Magtymguly Pyragy” ýylynyň taryhy wakasy boldy. Döwlet Baştutanymyz iş saparynyň çäklerinde Gahryman Arkadagymyzyň başlangyjyndan gözbaşly Aşgabat — Türkmenabat ýokary tizlikli awtomobil ýolunyň Tejen — Mary böleginiň dabaraly açylyşyna ak pata berdi. Şol gün Mary şäheriniň çäginde täze ýaşaýyş jaý toplumy, durky täzelenen welaýat enäniň we çaganyň saglygyny goraýyş merkezi ulanylmaga berildi. Hormatly Prezidentimiziň adyndan täze awtobuslaryň 200-e golaýy ýolagçylaryň hyzmatyna ugradyldy.