Halkymyzda: «Bir derýadan suw içen ýaly» diýen ajaýyp meňzetme bar. Biri-birine ýakyn, ýürekdeş adamlara hut şeýle diýilýär. Şahyr aýtmyşlaýyn, gadymdan bir çäýnekde çaý çaýlaşan, agyr ýüki deň taýlaşan, bir çöregi jüp paýlaşan türkmen we özbek halklaryny diňe joşly Jeýhunyň däl, eýsem, taryhy-medeni, ruhy-edebi mirasynyň bitewülikleriniň umman deý giň akabasy hem birleşdirýär. Bu gün Aşgabatda «Daşkent», Daşkentde bolsa «Aşgabat» seýilgähleri, türkmen paýtagtynda Alyşir Nowaýynyň, özbek paýtagtynda Magtymguly Pyragynyň adyny göterýän köçeler bar.

Ynsanyýetiň şahyry