Türkmenbaşy şäherindäki ýyladyşhananyň alyp barýan işleri bilen tanşanyňda, milli ykdysadyýetimiziň oba hojalygynda durmuşa geçirilýän düýpli özgertmeleriň oňyn netijelerini berýändigine aýdyň göz ýetirmek bolýar. Türkmenistanyň Senagatçylar we telekeçiler birleşmesiniň işjeň agzasy Sapardurdy Nazlyýewe degişli bolan ýyladyşhanada gök önümlerden bitginli hasyl ýygnamakda ýetilýän sepgitler telekeçiligi ösdürmekde döwletimiz tarapyndan berilýän giň gerimli goldawlara netijeli zähmet bilen jogap bermekdäki tagallalaryň guwandyryjy miwesidir.