Berkarar döwletiň täze eýýamynyň Galkynyşy döwründe Garaşsyz ýurdumyzda ileri tutulýan pudaklaryň hatarynda dokma senagaty hem ýokary depginler bilen ösüp, öňegidişliklere eýe bolýar. Hormatly Prezidentimiziň pudaga berýän uly ünsüniň, çäksiz goldawlarynyň netijesinde gazanylýan üstünlikler muňa aýdyň şaýatlyk edýär.

Belli bolşy ýaly, Türkmenistan dürli görnüşli senagat, oba hojalyk önümlerini diňe bir öndürýän däl, eýsem olary gaýtadan işläp, içerki we daşarky bazarlara çykarýan ýurtlaryň birine öwrüldi. Soňky ýyllarda şeýle ýokary hilli önümlere dünýäniň çar künjeginde uly isleg bildirilýär.