Pomidoryň bereketli hasyly ýetişdirilýär
Köneürgenç etrabyndaky ýyladyşhanalar toplumynyň işçileri her bir iş gününi netijeli geçirmek bilen, zähmetsöýerligiň belent nusgasyny görkezýärler. Ýyladyşhanalar toplumy 2018-nji ýylyň aprelinde ýurdumyzyň ilatyny ýylyň ähli paslynda ter gök önümleri bilen üpjün etmek, iş orunlaryny döretmek maksady bilen ulanmaga berildi. 10 gektar meýdany tutýan ýyladyşhanada 4 bölüm hereket edýär. Ýyladyşhanalar toplumynda pomidor ösdürip ýetişdirmek ýola goýlan. Häzirki wagtda bu ýerde işçi-hünärmenleriň 100-e golaýy zähmet çekýär. Olaryň aglabasy bolsa gyz-gelinlerdir.