Azerbaýjanyň tankeri “Gahryman Halilbeýli” Türkmenistandan nebit daşamak üçin ulanylar diýip, Azerbaýjanyň Hazar deňiz gämiçilik kompaniýasyniň (ASCO) metbugat gullugynyň başlygy Mehman Mehdiýew Caliber.az internet portalyna beren interwýusynda mälim etdi.

Mehman Mehdiýew ýakynda “Zyh” gämi abatlaýyş we gurluşyk zawodynda bu gämini düýpli abatlaýyş işleriniň üstünlikli tamamlanandygyny we tankeriň ýakyn wagtda Türkmenbaşy Halkara deňiz portuna ilkinji ýüzüşini amala aşyrjakdygyny aýtdy.