Ätiýaçlandyryş kämillik ýolunda

Ýurdumyzda ätiýaçlandyryş işiniň ösdürilmegine, ätiýaçlandyryş işleriniň amala aşyrylmagyna, täzeçe çemeleşilmegine aýratyn üns berilýär. Ätiýaçlandyryşyň görnüşleriniň kadalaryny, düzgünnamalaryny kämilleşdirmek “Ätiýaçlandyryş hakynda” Türkmenistanyň Kanunyna, Türkmenistanyň beýleki kadalaşdyryjy hukuk namalaryna we halkara tejribesine laýyklykda alnyp barylýar. Häzirki wagtda Türkmenistanyň Döwlet ätiýaçlandyryş guramasy tarapyndan täze ätiýaçlandyryşyň birnäçe görnüşleriniň kadalarynyň we düzgünnamalarynyň taslamalary işlenip taýýarlanylýar.