EKOLOGIÝA ABADANÇYLYGY — ÝAŞAÝŞYŇ KEPILI

Hormatly Prezidentimiz: «Ýurdumyzyň Birleşen Milletler Guramasy bilen hyzmatdaşlygynyň esasy ugurlarynyň biri hem ekologiýa howpsuzlygynyň ýokary derejesini üpjün etmek bolup durýar. Bu babatda alnanda, şäher we oba ýerlerinde tokaý zolaklaryny döretmek işlerine ajaýyp döwletimizde aýratyn uly ähmiýet berilýär» diýip belleýär. Häzirki wagtda tokaý zolaklaryny döretmek boýunça diňe bir paýtagtymyzda däl, eýsem, ýurdumyzyň beýleki sebitlerinde hem giň gerimli işler üstünlikli durmuşa geçirilýär. Ekologiýanyň arassalygy adamlaryň bagtyýar durmuşynyň, asuda, abadan geljeginiň kepilidir.