Hormatly Prezidentimiziň taýsyz tagallalary netijesinde, Garaşsyz, baky Bitarap Watanymyzyň geljegi bolan ýaş nesliň abadan we bagtyýar durmuşda ýaşamagy, berk bedenli, ylymly-bilimli, edep-ekramly, watansöýüji nesiller bolup ýetişmegi ugrunda giň gerimli işler durmuşa geçirilýär.

«Pähim-paýhas ummany Magtymguly Pyragy» ýylynda Berkarar döwletimizde giňden bellenilýän Halkara Bitaraplyk güni – Türkmenistanyň hemişelik Bitaraplygynyň 29 ýyllyk şanly baýramy mynasybetli ýurdumyzyň dürli künjeginde dabaralar, duşuşyklar geçirilýär. Ýakynda baýramçylyk mynasybetli paýtagtymyzdaky Çagalar awtoşäherçesinde  «Bitarapdyr ilimiz, rowaçlanýar ýolumyz!» atly bäsleşik geçirildi. Oňa Aşgabat şäherinde ýerleşýän orta mekdepleriň ýedinji we sekizinji synplarynyň okuwçylaryndan düzülen her biri bäş okuwçydan ybarat alty topar gatnaşdy.