Mälim bolşy ýaly, 14-nji sentýabrda Türkmenistanyň wise-başlyklyk eden Birleşen Milletler Guramasynyň Baş Assambleýasynyň 75-nji ýubileý mejlisiniň resmi taýdan öz işini tamamlamagy bilen 76-njy mejlisi öz işine başlady.

Parasatly Prezidentimiziň baştutanlygynda umumadamzat ähmiýetli ynsanperwer başlangyçlary, teklipleri bilen işjeň çykyş edýän ýurdumyz 76-njy mejlisde-de ileri tutýan garaýyşlaryny, milli Lideriniň täzeçil tekliplerini dünýä bileleşigine hödürlemekde netijeli işleri alyp bardy.