Welotrek sport toplumy. Bu ýere ozal birnäçe sapar gelenem bolsam, ýaryş ýodajygyna ilkinji gezek çykyp görşümdi. Ine, alty müň janköýeriň ünsüni özünde jemleýän ýoda. Ine, ýüzlerçe türgeniň welotregi saýlap, ýalňyşmandygyny görkezmeli menzil. Badalgada duran ýerimden pikire batypdyryn...

Adamzadyň iň gowy oýlap tapyşlarynyň hataryny, megerem, welosiped çekýändir. Ilkinji nusgasyndan häzirki görnüşlerine çenli beýle bir üýtgeşiklige sezewar bolmadyk welosiped, ynsanyň öňe ymtylmak isleginden oýlanyp tapylan ýaly bolup dur.