Düýn paýtagtymyzda «Gorkut ata» atly halkara kinofestiwalyň açylyş dabarasy boldy. Hormatly Prezidentimiziň belleýşi ýaly, beýik söz ussadymyzyň doglan gününiň 300 ýyllygy bellenilýän «Pähim-paýhas ummany Magtymguly Pyragy» ýylynyň toý-dabaraly günlerinde türki döwletleriň wekilleriniň gatnaşmagynda bu kinofestiwalyň Aşgabat şäherinde geçirilmeginde hem uly many bardyr. Biz hem halkara derejeli kinofestiwala gatnaşyjy myhmanlar bilen söhbetdeş bolup, olaryň ýürek buýsançlaryny okyjylarymyza ýetirmegi makul bildik.