Berkarar döwletiň täze eýýamynyň Galkynyşy döwründe ýurdumyzda kitaphana ulgamynyň maddy-enjamlaýyn binýady pugtalandyrylýar. Kitap — ylym-bilimiň, sowatlylygyň gözbaşy. Berkarar döwletimizde kämil, başarjaň, giň gözýetimli nesilleri kemala getirmekde, ýaşlary watansöýüjilik ruhunda terbiýelemekde kitabyň ähmiýeti bimöçberdir.

Kitap her bir adama durmuşda öz ornuny tapmaga, halallyk, ynsanperwerlik ýörelgelerini hemra edinmäge ýardam berýär. Kitap okap, onda öňe sürülýän paýhasly pikirlerden ugur alyp bilýän adamlar sowatly ynsanlar hasaplanýar. Kitap ynsan ömrüni manyly we abraýly günlere besleýär.