Türkmen kompozitorlary akyldar şahyrymyz Magtymguly Pyraga bagyşlap birnäçe aýdym döretdiler. Belli bagşy Sahy Jepbarowyň döreden «Şahyrym» atly aýdymy-da halkyň kalbynda orun alan aýdymlaryň biri boldy.

Men halypamyň ýanynda 11 ýyllap sazandalyk etdim. 1966-njy ýyldan başlap, tä ol aradan çykýança, ýagny 1977-nji ýyla çenli dürli konsertlerde, toý-baýramlarda Türkmenistanyň halk artisti, halypa gyjakçy Ata Ablyýew bilen bilelikde onuň ýanynda sazandalyk edipdik.