Çözgüt

Bir sapar geljekki matematik Jorj Dansig professor Neýmanyň sapagyna 20 minut gijä galyp gelipdir. Talyp öýe berlen işdir öýdüp, tagtada ýazylgy iki meseläni depderine gyssagly göçüripdir. Ol öýde şol meseleleri birnäçe sagadyň içinde çözüp, ertesi çözgütlerini professora getirip beripdir. Birnäçe hepdeden soňra professor gijäniň bir wagty talybynyň öýüne kürsäp giripdir hem-de oňa matematikada ozal çözgüdi tapylmadyk meseleleri çözendigini düşündirmäge başlapdyr. Görlüp oturylsa, Jorja bary-ýogy iki sagadyň içinde matematikleriň müňlerçe ýyllaryň dowamynda ejir çeken iki meselesini çözmek başardan ekeni. Sebäbi Jorj Dansig bu meseleleri çözmegiň mümkin däldigini bilmeýärdi.