Ykbaly çüwen türkmenim toý toýlaýar saçak ýaýyp,
Asmanda ak kepderi buşlukçy deý her ýan gaýyp,
Bagtdan doly ýüreklere mähir-muhabbetin çoýup,
Garaşsyz, Bitarap Watan dillerimde sena bu gün,
Agzybir il, parahat ýurt ak ertire rowan bu gün.

Bagtlylykdan alamatdyr guşlaň sesne oýanmagam,
Ýöne ýerden däldir halkyň Arkadaga daýanmagam,
Mert ogul, äriň işidir il bagtyna guwanmagam,
Garaşsyz, Bitarap Watan dillerimde sena bu gün,
Agzybir il, parahat ýurt ak ertire rowan bu gün.