Birleşen Arap Emirlikleriniň «Al Aýn» topary AFK Çempionlar ligasynyň 2023-2024-nji ýylky möwsüminiň ýeňijisi boldy.

Iki oýundan ybarat finalyň ikinji duşuşygynda «Al Aýn» Ýaponiýanyň «Ýokogama Marinos» toparyny 5:1 hasabynda ýeňlişe sezewar etdi. Finalyň deslapky oýnunda «Ýokogama Marinos» öz öýünde 2:1 hasabynda garşydaşyndan üstün çykypdy. Şeýlelikde, iki oýnuň netijesine görä, «Al Aýn» AFK Çempionlar ligasynyň şu möwsüminiň çempiony boldy.