Amerikanyň «Amazon» kompaniýasy 2024-nji ýylyň birinji çärýeginde rekord mukdarda girdeji gazandy. Has takygy, hasabat döwründe kompaniýanyň girdejisi 2023-nji ýylyň degişli döwri bilen deňeşdirilende, 13 göterim ýokarlanyp, 143,3 milliard amerikan dollaryna deň boldy. Şeýle-de şu ýylyň birinji çärýeginde kompaniýanyň arassa peýdasy 10,4 milliard amerikan dollaryna barabar bolup, bu görkeziji geçen ýylyň birinji çärýegindäkiden üç esse köpdür.