«Pähim-paýhas ummany Magtymguly Pyragy» ýylynda hormatly Belent Serkerdebaşymyzyň parasatly baştutanlygynda Türkmen bedewiniň milli baýramy mynasybetli dabaralaryň döwlet derejesinde, giň gerimde ýaýbaňlandyrylmagy bu ajaýyp gymmatlyga goýulýan belent hormat-sarpanyň nobatdaky aýdyň güwäsidir.

Mälim bolşy ýaly, şu ýyl baýramçylyk mynasybetli dabaralar ilkinji gezek şöhratly ahalteke atlarynyň gadymy mekanynda — Arkadag şäherinde geçirilýär. Milli Liderimiziň golaýda Arkadag şäherine amala aşyran iş saparynyň barşynda täze doglan taýçanaga Şahyr diýip at goýmagy-da göwünleri galkyndyran, ýürekleri joşduran wakalaryň biri boldy.