Mälim bolşy ýaly, 15-nji aprelde paýtagtymyzda dabaraly ýagdaýda badalga berlen hokkeý boýunça halkara ýaryş türkmen sportunyň şan-şöhratyny nobatdaky gezek äleme aýan etdi. Ata Watanymyzda sportuň buzda oýnalýan görnüşi boýunça halkara ýaryşyň geçirilmegi ýurdumyzyň sport ulgamynda uly öňegidişlikleri gazanýandygynyň, şeýle-de hormatly Prezidentimiziň parasatly baştutanlygynda sporta aýratyn ähmiýet berilýändiginiň ajaýyp beýanydyr.