Sarahs etrabynyň sport mekdebiniň we orta mekdepleriniň okuwçylarynyň gatnaşmagynda milli göreş boýunça ýaryş geçirildi. Sport mekdebinde geçen ýaryşda ýaş pälwanlar agram derejeleriniň altysy boýunça güýç synanyşdylar.

Gyzykly tutluşyklaryň netijesinde 45 kilogram agram derejesinde Saparnyýaz Döwletow, 48 kilogram agram derejesinde Meretaly Begenjow, 52 kilogram agram derejesinde Daýanç Esenow, 57 kilogram agram derejesinde Atajan Saparow, 62 kilogram agram derejesinde Ýusup Meretalyýew, 68 kilogram agram derejesinde Umyt Annalyýew dagy I orna mynasyp boldular. Ýaryşyň ýeňijilerine etrabyň bedenterbiýe we sport bölüminiň hormat hatlary gowşuryldy.