Bäherden etrabynyň Akdepe obasyndaky 31-nji orta mekdepde woleýbol ýaryşy geçirildi. Etrabyň bedenterbiýe we sport bölüminiň, etrap bilim bölüminiň, jemgyýetçilik guramalarynyň bilelikde guramaklarynda geçirilen ýaryşa etrapdaky orta mekdeplerden gelin-gyzlardan düzülen toparlar gatnaşdy.

Woleýbol ýaryşynyň netijesinde etrapdaky 30-njy orta mekdebiň topary birinji, 1-nji orta mekdebiň topary ikinji, 8-nji orta mekdebiň topary üçinji orna mynasyp boldular. Ýeňijilere hormat hatlary, ýadygärlik sowgatlary dabaraly ýagdaýda gowşuryldy.