Türkmenistanyň Senagatçylar we telekeçiler birleşmesiniň döredilmeginiň 16 ýyllygy mynasybetli 17 — 19-njy mart aralygynda geçirilýän sergi hem-de maslahat hususy pudagyň wekilleriniň — senagatçylaryň we telekeçileriň gazanan üstünliklerini aýdyň görkezýär. Diýarymyzyň çar ýanyndan hususyýetçileriň 230-dan gowragyny ýurdumyzyň Söwda-senagat edarasynyň sergi zalynda jemlän gözden geçirilişiň pawilýonlarynda azyk harytlarynyň, dokma, mebel, hojalyk himiýasy önümleriniň, aýakgaplaryň, gurluşyk serişdeleriniň, awtoulag ýaglarynyň, akkumulýatorlaryň, elektron enjamlaryň dürli görnüşleri, gurluşyk pudagynda, syýahatçylyk, jemgyýetçilik iýmiti, maliýe we bank, ätiýaçlandyryş ugurlarynda iş alyp barýan düzümleriň hyzmatlary tanyşdyrylýar. Biz hem bu ýerde bolup, giň gerimli gözden geçirilişde ünsümizi çeken täzeçillikler barada hünärmenleriň beren gürrüňlerini ýazga geçirdik.

Ýurdumyzda ilkinji, Merkezi Aziýada iň uly