Kaka etrabyndaky 16-njy orta mekdebiň sport zalynda küşt ýaryşy geçirildi. «Türkmenistan — ruhubelentligiň we sagdynlygyň ýurdy» atly XIII spartakiadanyň çägindäki bu ýaryşa etrapdaky orta mekdepleriň okuwçylary gatnaşdy.

Ýaryşda akyl-paýhas oýnuna höwesli ýaşlar ukyp-başarnygyny görkezdiler. «Türkmenistan» Ýaşlar bedenterbiýe-sport guramasynyň welaýat bölüminiň, etrap bilim bölüminiň hem-de jemgyýetçilik guramalarynyň bilelikde guramagynda gyzykly geçen bu ýaryş ýaş küştçüleriň arasyndan ökdeleri ýüze çykardy.