Diýarymyzy bagy-bossanlyga öwürmek, halkymyzyň ýaşaýyş-durmuş şertlerini yzygiderli gowulandyrmak ugrunda giň gerimli özgertmeler durmuşa geçirilýär.
«Bag eken baky ýalkanar» diýen parasatly jümle bar. Onuň çuňňur manysyny ýurdumyzda ýaz hem-de güýz pasyllarynda guralýan ählihalk bag ekmek çäreleriniň ajaýyp netijelerinde hem görmek bolýar. Ýyllaryň dowamynda ekilen millionlarça düýp bag nahallary bu gün ese-boýa galyp, ýurdumyzyň çäginde ekologiýanyň, daşky gurşawyň abadanlygyna uly goşant goşýarlar.
