1.HAMAL (Guzy 21.03—20.04)
Aprel aýynda hamal ýyldyzynyň astynda doglanlaryň özlerine bolan ynamlary has-da artar. Bu bolsa olara şowlulyk getirer. Bu döwürde kärdeşleriňiziň, ýakynlaryňyzyň arasynda has köp wagt geçirip, olar bilen hyzmatdaşlykda işleşmek maslahat berilýär. Bu döwürde töweregiňizdäkileriň arasynda abraýyňyz has-da ýokarlanar. Kärdeşleriňiz üçin edýän işleriňiz, olaryň sizden hoşal bolmagyna getirer. Aprel aýynyň ikinji ýarymynda, hususan-da, şahsy durmuşyňyzda öňegidişlikler bolar. Dürli görnüşdäki oňyn teklipler gelip gowşar. Şeýle-de aýyň ahyry syýahat üçin örän amatly wagt bolar. Siz köp wagtdan bäri didarlaşmaýan dost-ýarlaryňyz bilen duşuşyp, olar bilen oňat wagt geçirip bilersiňiz.
