Dünýäniň köp ýurtlarynda bal berijiligi ýokary bolan ösümlikleri, agaçlary balarylary üçin ýöriteläp köpeltmek işleri barha ýaýbaňlandyrylýar. Şunda raps, günebakar, greçka ýaly ekinleri, lipa, pawlowniýa, akasiýa, igde ýaly agaçlary ýöriteläp ekýärler. Soňky döwürde dürli toprak-howa şertlerine tiz uýgunlaşýanlygy üçin, şeýle hem nektardan daşary ykdysady peýdasynyň köpdügi üçin pawlowniýa agajynyň köpçülikleýin ösdürilip ýetişdirilmegine uly üns berilýär.
Biz pawlowniýa agajy, onuň häsiýetli taraplary barada gürrüň bermegini haýyş edip, Türkmen oba hojalyk institutynyň bagbançylyk we gök ekerançylyk kafedrasynyň mugallymy, baglaryň dürli görnüşleri barada tejribe-synag işlerini alyp barýan Aýnabat Ataýewa ýüz tutduk. Şonda ol pawlowniýa agajy barada şeýle gürrüň berdi:
