Mähriban çagalar, dünýä jahankeşdeleriniň iň köp syýahat edýän ýerleriniň biriniň Niagara şarlawugydygyny bilýärsiňizmi?
Dünýäniň iň täsin ýerleriniň biri bolan Niagara şarlawugy ABŞ-nyň we Kanadanyň aralygynda ýerleşýär. Üç bölekden durýan bu şarlawugyň ady «şapyrdaýan suw» diýlip terjime edilýär. Hakykatdan-da, onuň şapyrdap akýan sesi şarlawugyň özi görünmänkä eşidilip başlaýar, suw bugunyň emele getirýän bulutlary bolsa her bir myhmany şarlawugyň özünden öňürti garşylaýar.