— Toprak! Toprakdan bolýar bu zatlar. Toprak bilen ýakyn gatnaşyk saklananok, şonuň esasynda-da, şeýle ýagdaýlar döreýär-dä!–— diýip, dermanhananyň satyjysy öz içki nägileligini bildirdi. Men agajetli, boýy ortadan uzynrak, elli-altmyş ýaşlaryndaky bu kişi meniň sowalymy doly eşitmedi ýa-da näme soranyma dogry düşünmedi öýdýän diýip pikir etdim-de, «Aý, bor-da» diýen manyda başymy atyp, yzyma öwrüldim. Emma dermanhanaçynyň kesgitli sesi meni yzyma öwrülmäge mejbur etdi.
— Sen dur, gelin, gyzyň näçe ýaşynda diýdiň?
