Häzirki wagt­da dündelik durmuşy te­le­wi­zor­syz göz öňü­ne ge­tir­mek kyn. Bel­ki-de, iň köp ula­nyl­ýan öý ho­ja­lyk en­ja­my te­le­wi­zor bol­sa ge­rek. Dür­li te­ma­lar­da mag­lu­mat ber­ýän te­le­ýaý­lym­la­ryň köp bol­ma­gy to­ma­şa­çy­la­ra ýy­gy-ýy­gy­dan baş­ga te­le­ýaý­ly­ma ge­çir­megine mümkinçilik dö­red­ýär. Mun­dan bir­nä­çe ýyl ozal adat­ça, öý­dä­ki iň ki­çi ça­ga buý­rul­ýan beý­le­ki te­le­ýaý­ly­ma ge­çir­mek işi­ni, in­di uzak­dan do­lan­dy­ryl­ýan ýö­ne­keý­je en­jam ýe­ri­ne ýe­tir­ýär. Köp adam bu en­ja­myň oý­la­nyp ta­pyl­ma­gy­nyň dö­red­ýän ra­hat­ly­gy­ny na­zar­da tu­tup, onuň oý­la­nyp ta­pyl­ma­gy­nyň te­le­wi­zo­ryň oý­la­nyp ta­py­ly­şy ýa­ly äh­mi­ýet­li­di­gi­ni aýd­ýar. As­lyn­da, uzak­dan do­lan­dy­ryl­ýan il­kin­ji te­le­wi­zor­la­ryň ta­ry­hy ga­ty bir uzak hem däl. Mu­ňa ga­ra­maz­dan bu en­jam­lar, tak­my­nan, 60 ýy­lyň do­wa­myn­da en­çe­me öz­ge­riş­le­ri baş­dan ge­çir­di. Şeý­le-de bol­sa, haý­sy­dyr bir elekt­ron en­ja­my uzak­dan do­lan­dyr­ma­ga de­giş­li açyş­lar has ir edil­di.

En­ja­my ka­bel­siz uzak­dan iş­let­me­giň il­kin­ji my­sa­ly­ny 1894-nji ýyl­da iň­lis fi­zi­gi Oli­wer Loj oý­lap tap­ýar. Ol elekt­ro­mag­nit tol­kun­la­ry­ny ula­nyp, elekt­rik to­gu­ny öl­çe­ýän gal­wa­no­met­ri dö­red­ýär. So­ňa­ba­ka adam­lar­da beý­le­ki en­jam­la­ry hem uzak­dan do­lan­dyr­mak is­le­gi dö­re­ýär. Şo­nuň ne­ti­je­sin­de hem uzak­dan do­lan­dy­ryl­ýan te­le­wi­zor­lar, ser­gin­le­di­ji­ler we beý­le­ki en­jam­lar peý­da bol­ýar. Şu ma­ka­la­myz­da te­le­wi­zor­la­ryň şeý­le gör­nü­şi­niň ta­ry­hy ba­ra­da gys­ga­ça mag­lu­ma­ty si­ze ýe­tir­ýä­ris: