«Munuň kitap bolaýşyny — diýip, Alisa içini hümletdi. — Içinde ne surat bar, ne-de gepleşik...»
Lýuis Kerrol — «Alisa täsinlikler dünýäsinde»
Iňlis ýazyjysy hem matematik alym Lýuis Kerrolyň «Alisa täsinlikler dünýäsinde» atly ertekisiniň baş gahrymany — ady kitabyň sahabyna çykarylan Alisa şu sözleri aýtmak bilen, içinde hiç hili surat bezegi bolmadyk kitaplary bir püçek edip goýýar. Zehinli suratkeşiň göz öňüne getirijilik ukyby bilen döredilen üýtgeşik suratlaryň islendik neşire özboluşly bezeg berýändigi ikuçsuz. Suraty çeken şahsyýet ussat hökmünde ykrar edilen halatynda-ha, kitaplar asla-da diňe onuň awtorynyň däl, belli bir derejede ony bezän suratkeşiň hem eseri hasaplanyp başlaýar.
