Her ýyl Täze ýyl arçasyndan öňürti ykballarymyz ajaýyplyklar bilen bezelýär
Uly ýoluň gyrasynda duran mahalymyz, ýoluň beýleki tarapyna geçmezimizden owal, sola-saga garanjaklamak, ýol hereketiniň esasy düzgünleriniň biri. Köne bilen täze ýylyň utgaşýan ýerinde ýadyma düşen bu düzgün geçilen ýol we geljekki ömür menzilleri hakdaky oý-pikirlere saldy. Ýylyň netijeleri, arzuwlaryň hasyl boluş mümkinçiligi we çaltlygy, ömrüň we wagtyň gymmaty... göz ýumup-açasy salymda ýüzlerçe waka tükeniksiz seriallar deýin seriňde aýlanýar durýar. Hatda fizika ylmynyň ykrar edýän ýagtylyk tizligi hem ynsanyň oý-pikir tizliginden haýal. Arzuw-hyýallaryň hasyl boluş mümkinçiligi bolsa şol tizligiň söbügini basyp barýar. Bu eýýäm ýürekden edilen arzuwlaryň uzak garaşdyrmaýandygyny aňladýar.
