ABŞ-da edebiýat, žurnalistika, saz we teatr pudaklary boýunça iň abraýly baýraklaryň biri hasaplanylýan Pulitser baýragy asly wenger gelip çykyşly amerikan žurnalisti Josef Pulitser tarapyndan 1903-nji ýylda esaslandyrylypdyr. Baýragyň döremeginiň taryhy diýseň gyzykly.
Žurnalist Pulitser Amerikanyň Birleşen Ştatlaryna göçüp gelen mahallary iňlis dilinde çalgyrt gürläpdir we iňlis dilini az bilýändiginden habarly dosty Josefe degişme äheňinde gazetde işlemegi maslahat berýär. Şeýlelikde, žurnalistika älemine täze gadam basan, gazetiň çylşyrymly dilinde makala ýazmakda köp kynçylyklary başyndan geçiren Pulitser az wagtdan gazet-žurnallarda makala ýazmagyň dilini ýönekeýleşdirmegiň ýoluny gözläp başlaýar. Birnäçe ýyl irginsiz zähmeti talap eden ýeňil bolmadyk bu işde ýeňiş ahyry Pulitseriň tarapynda bolýar. Netijede, Josef Pulitser diňe bir ABŞ-yň däl, eýsem bütin dünýä metbugatyna umumy gazet dilini ornaşdyrmagy başarýar.
