Welaýat «Ene mähri» merkezinde Türkmenistanyň Kärdeşler arkalaşyklarynyň Milli merkeziniň Kararyna laýyklykda zähmeti goramak we tehniki howpsuzlygyň düzgünlerini talabalaýyk berjaý etmek boýunça okuw maslahaty geçirildi. «Pähim-paýhas ummany Magtymguly Pyragy» ýylynda «Zähmeti goramak — sagdyn we howpsuz iş şertleriniň girewidir» diýen şygar esasynda geçirilen bu maslahatyň maksady işgärleriň zähmetini we olaryň saglygyna bolan hukugyny goramakdan ybarat bolup durýar.
Maslahata jemgyýetçilik guramalarynyň hem-de welaýat polisiýa müdirliginiň ýangyn howpsuzlygy bölüminiň wekilleri gatnaşdylar. Myhmanlar çäräniň dowamynda zähmeti goramagy kadalaşdyrýan kanunçylyk namalary, gözükdirmeler bilen işgärleri giňişleýin tanyşdyrdylar. Şonuň ýaly-da zähmeti goramagyň kadalarynyň we düzgünleriniň, tehniki howpsuzlygyň talaplarynyň berjaý edilişine gözegçiligi amala aşyrmak meseleleriniň üstünde hem durup geçdiler.
