Hormatly Prezidentimiziň Türki dilli döwletleriň hyzmatdaşlyk geňeşiniň döwlet Baştutanlarynyň VIII sammitine gatnaşmagy bilen bagly dörän ýazgylar
Doganlyk halklar baradaky söhbedimize Garajoglanyň dost hakdaky setirini sözbaşy saýlamagymyzyň ýeterlik sebäbi bar. Türkmen halkymyzda ozaldan «Doganyň dost bolsun» diýen parasatly jümle ýörgünli. Bu jümläniň aňyrsyndaky many doganyň seniň üçin diňe garyndaş däl, ýürekdeş hem bolmagynyň hökmanydygyny aňladýar. Doganlyk — ganyň, dostluk — ýüregiň birligi. Bu iki ýakynlyk birleşende bolsa ümzükler ileri, işler diňe rowaç bolmak bilen.