Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Arkadag Serdarly bagtyýar ýaşlar ýylynyň 30 – 31-nji maýynda Eýran Yslam Respublikasyna iş sapary ata Watanymyzyň oňyn Bitaraplyk, parahatçylyk söýüjilik, hoşniýetli goňşuçylyk we giň halkara hyzmatdaşlyk ýörelgelerine esaslanýan daşary syýasat strategiýasynyň aýdyň dabaralanmasy boldy.
Ýyllaryň tejribesiniň görkezişi ýaly, dostlukly türkmen-eýran gatnaşyklarynda ýola goýlan söwda-ykdysady, medeni-ynsanperwer ulgamlardaky hyzmatdaşlyklar oňyn netijeler esasynda yzygiderli baýlaşdyrylýar.