Berkarar döwletiň täze eýýamynyň Galkynyşy döwründe ýurdumyz dünýä döwletleri bilen hoşniýetli gatnaşyklary ösdürýär. Häzirki döwürde parahatçylyk söýüjilik ýörelgelerine esaslanýan hoşniýetli gatnaşyklara möhüm ähmiýet berilýär. Şeýle hoşniýetli gatnaşyklar Türkmenistan bilen Hytaý Halk Respublikasynyň arasynda hem has-da ösdürilýär. Şunda «Merkezi Aziýa — Hytaý» sammitine hem möhüm ähmiýet berilýär. Munuň özi döwletleriň hoşniýetli gatnaşyklaryny alamatlandyrýar, şeýle hem söwda-ykdysady, medeni gatnaşyklary has-da ösdürmäge uly gyzyklanma bildirýändiklerini beýan edýär.
Ýakynda hormatly Prezidentimiziň «Merkezi Aziýa — Hytaý» sammitine gatnaşmak üçin Hytaý Halk Respublikasynyň Şensi welaýatynyň paýtagtyna iş saparynyň bolandygyny aýratyn bellemek gerek. Saparyň dowamynda Türkmenistanyň Prezidenti Serdar Berdimuhamedowyň we Hytaý Halk Respublikasynyň Başlygy Si Szinpiniň arasynda gepleşikler geçirildi. Bu şanly wakalar dostlukly döwletleriň hoşniýetli gatnaşyklarynyň binýadynyň berkdigini aýdyň beýan etdi. Iki dostlukly döwletleriň arasyndaky diplomatik gatnaşyklar ýola goýlanyndan bäri hoşniýetli hyzmatdaşlyk ýokary derejelere eýe boldy. Hoşniýetli hyzmatdaşlyga, dostluga esaslanýan gatnaşyklary has-da ösdürmekde halklaryň bähbitlerine laýyk gelýän ugurlara aýratyn üns berilýär.