Beýik akyldara bagyşlap

Bilim
4 Dekabr 2024
234

Ýaşlaryň, şol sanda harby talyplaryň watançylyk terbiýesini ösdürmekde nusgalyk edebiýatyň örän uly täsiri bardyr. Ýörite hünär bilimleri bilen birlikde edebiýat dünýäsiniň çuňluklaryna aralaşýan, kitaby özüniň ebedilik hemrasyna öwürýän ýaşlaryň diňe bir ezber hünärmenler hökmünde tanalman, eýsem, şahsy häsiýetleriniň kämilligi, Watana wepalylygy, il-güne haýyrly işlerde aýratyn işjeňligi bilen tapawutlanýandygyny durmuşda mydama görmek bolýar. Şu hakykatdan ugur alyp, TGM-niň Beýik Saparmyrat Türkmenbaşy adyndaky Harby institutynda Jemgyýeti öwreniş ylymlary kafedrasynyň mugallymlarynyň guramagynda Gündogaryň beýik akyldary Magtymguly Pyragynyň doglan gününiň 300 ýyllygyna bagyşlanyp, edebi agşam guraldy. Dabarada akyldarymyzyň kitaplarynyň dürli döwürlerde dürli dillere terjime edilişiniň we çap edilişiniň taryhy bilen baglanyşykly örän baý maglumatlar bilen tanyşdyryldy. Nusgawy şahyrymyzyň pelsepewi garaýyşlary, ol garaýyşlara düşündiriş berýän dürli alymlaryň işleri hakynda täsirli çykyşlar edildi. Harby talyplar tarapyndan akyldar şahyrymyzyň watançylyk, harby-gahrymançylyk temalaryna degişli şygyrlary çeper okaldy.

Nurmämmet HUDAÝNAZAROW,
TGM-niň Beýik Saparmyrat Türkmenbaşy adyndaky Harby institutynyň uly mugallymy.
Beýleki habarlar